გურია. „საქართველოს დემოკრატიული განვითარების კავშირის" ოფისში ტრენინგი გაიმართა. იგი მართვის საერთაშორისო სისტემების (MSI-Georgia) მიერ დაფინანსებული პროექტის –  „საზოგადოებრივი ინიციატივები ცვლილებებისათვის" – ფარგლებში ჩატარდა, საინიციატივო ჯგუფებისთვის (თხინვალი, ჭანიეთი, მაკვანეთი, მერია და ურეკი). ტრენინგის მონაწილეებს განუმარტეს ისეთი საკითხები, როგორიცაა სამოქალაქო მონაწილეობა და საზოგადოებრივი მონიტორინგი. ასევე, თუ რა არის ადგილობრივი თვითმმართველობა, რას სახის უფლებამოსილებები გააჩნია ადგილობრივ თვითმმართველობას. შეხვედრის დროს ისაუბრეს, ბიუჯეტის შედგენის წესზე, ბიუჯეტის შემოსავლებზე და ხარჯებზე.