საერთაშორისო გამჭვირვალობა - საქართველოს ახალი კვლევა
თბილისი. „საერთაშორისო გამჭვირვალობა - საქართველომ“ თბილისის ახალი საკრებულოს წევრების ბიზნესინტერესები შეისწავლა.
„დეკლარირების დროს დარღვევებთან და სავარაუდო პოლიტიკური კორუფციის შემთხვევებთან ერთად, ამომრჩევლისთვის საინტერესო სხვა ცნობებსაც მოვუყარეთ თავი:
საკრებულოს 29 თანამდებობის პირიდან 15-მა დეკლარაცია დარღვევით შეავსო;
„ქართული ოცნების“ 16-მა დეპუტატმა, ერთ დღეს – 2021 წლის 12 ოქტომბერს, იდენტური ოდენობის თანხები - 5 ან 10 ათასი ლარი - შესწირა პარტიას, ჯამში 115 000 ლარი;
თბილისის საკრებულოს 50 წევრიდან 23 დაკავშირებულია სამეწარმეო საქმიანობასთან, საიდანაც 12 თანამდებობის პირია;
ორგანიზაცია მიმართავს საჯარო სამსახურის ბიუროს შეისწავლოს წინამდებარე კვლევის ფარგლებში გამოვლენილი თანამდებობის პირების მიერ ქონებრივი მდგომარეობის დეკლარირებასთან დაკავშირებული დარღვევები და მოახდინოს შესაბამისი რეაგირება.
წყარო: transparency.ge
