ადგილობრივი პრობლემების ადვოკატირებაში მოქალაქეთა ჩართულობის მექანიზმები
აჭარა. „საერთაშორისო გამჭვირვალობა - საქართველოს“ ინფორმაციით, ბათუმის ოფისის კოორდინატორი, მალხაზ ჭკადუა, ბათუმის მე-18 საჯარო სკოლის უფროსკლასელებს შეხვდა და მოზარდებს ადგილობრივი თვითმმართველობის მუშაობასა და ადგილობრივი პრობლემების ადვოკატირებაში მოქალაქეთა ჩართულობის მექანიზმებზე ესაუბრა.
„სკოლის მოსწავლეები გაეცნენ თვითმმართველობის კომპეტენციებსა და, ამასთან, მიიღეს ინფორმაცია „საერთაშორისო გამჭვირვალობა - საქართველოსთან“ არსებული სამოქალაქო საბჭოების მუშაობის პრინციპებსა და მიღწეულ შედეგებზე“.
შეხვედრა „თავისუფალ ჟურნალისტთა სახლის“ ორგანიზებით გაიმართა.
წყარო: ორგანიზაციის გვერდი სოციალურ ქსელში
