თიანეთში მცხოვრებ ქალებს ძალადობისგან დაცვის მექანიზმებზე ესაუბრნენ
თიანეთი. „საფარის“ ინფორმაციით, 19 მაისს, ორგანიზაციის იურისტი, თამარ ლუკავა თიანეთში მცხოვრებ ქალებს ოჯახში, ქალთა და ბავშვთა მიმართ ძალადობაზე და მისგან თავდაცვის მექანიზმებზე ესაუბრა.
შეხვედრა საქართველოს წითელი ჯვრის ინიციატივით გაიმართა.
აუდიტორია, რომელიც საკითხით დაინტერესდა საკმაოდ მრავალფეროვანი აღმოჩნდა. შეხვედრას 40-ზე მეტი ქალი ესწრებოდა.
თამარ ლუკავა მათ ესაუბრა ძალადობის ფორმებზე, დამცავი და შემაკავებელი ორდერების მუშაობის მექანიზმებზე, ბავშვთა მიმართ ძალადობაზე.
„საფარის“ იურისტმა ქალებს ორგანიზაციის მობილური აპლიკაცია Sაfe You წარუდგინა. ბევრმა მათგანმა აპლიკაცია ადგილზევე გადმოწერა და მისი გამოყენების ინსტრუქციას დეტალურად გაეცნო.
წყარო: sapari.ge
