სოციალური სამართლიანობის ცენტრი მხარს უჭერს ფოთის მოსახლეობის პროტესტს
სამეგრელო. სოციალური სამართლიანობის ცენტრი ეხმაურება ფოთის, ჯავახიშვილის ქუჩის მაცხოვრებლების პროტესტს, ქალაქში ჰაერის დაბინძურებასთან დაკავშირებით და ცენტრალურ და ადგილობრივ ხელისუფლებას მოუწოდებს მათ სამართლიან მოთხოვნებზე დაუყოვნებელი რეაგირებისაკენ.
ორგანიზაციის ცნობით, ადგილობრივი მოსახლეობა წლების განმავლობაში აპროტესტებს ქალაქში არსებულ მძიმე ეკოლოგიურ ვითარებას - ჰაერის დაბინძურებას, არასასიამოვნო სუნსა და ხმაურს, რომლის წყაროებიც ნავსადგური, საწარმოები და ნაყარი ტვირთების ღია წესით გადამუშავება, ასევე საავტომობილო გამონაბოლქვია.
წყარო: socialjustice.org.ge
