„ერთი დღე საჯარო სამსახურში“
აჭარა. 22 მაისს ახალგაზრდული არასამთავრობო ორგანიზაციის „საზოგადოებრივ ინიციატივათა ჯგუფის" ორგანიზებით საგანმანათლებლო ღონისძიება გაიმართა. პროექტი – „ერთი დღე საჯარო სამსახურში" მთავრობაში ბავშვთა და ახალგაზრდობის განვითარების ფონდის პირველი საგრანტო კონკურსის გამარჯვებულია და აჭარის მაღალმთიან რეგიონში მცხოვრები ახალგაზრდების სამოქალაქო განვითარების ხელშეწყობას ისახავს მიზნად. ღონისძიებას ფონდის დირექტორი და დირექტორის მოადგილე დაესწრნენ. ღონისძიების ფარგლებში ასამდე ახალგაზრდამ – ხულოსა და შუახევში მცხოვრებმა დამამთავრებელი კლასის მოსწავლეებმა – 1 დღით სახელმწიფო სტრუქტურის მუშაობაში მიიღეს მონაწილეობა და სახელმწიფო მოხელეებს შეხვდნენ.
წყარო:ბავშვთა და ახალგაზრდობის განვითარების ფონდის გვერდი სოციალურ ქსელში
