საზოგადოებრივი ორგანიზაციების განცხადება
თბილისი. საქართველოს საზოგადოებრივი ორგანიზაციები ერთობლივ განცხადებას ავრცელებენ ომბუდსმენის კანდიდატის შერჩევის ინკლუზიური პროცესის ხელშესაწყობად.
„საქართველომ ევროკავშირის წევრობის კანდიდატის სტატუსის მოსაპოვებლად 12 რეკომენდაცია უნდა შეასრულოს, მათგან ერთ-ერთი სახალხო დამცველის არჩევის პროცესს ეხება. ომბუდსმენის ნომინირების პროცესში უპირატესობა მიენიჭოს დამოუკიდებელ კანდიდატს, პროცესი წარიმართოს გამჭვირვალედ და დაცული იყოს აპარატის ეფექტიანი ინსტიტუციური დამოუკიდებლობა.
ხელისმომწერმა ორგანიზაციებმა ფართო კონსულტაციების შედეგად გადავწყვიტეთ ერთობლივად შევიმუშაოთ ომბუდსმენის კანდიდატობის ნომინირების წესი და ის კრიტერიუმები, რასაც უნდა აკმაყოფილებდეს ომბუდსმენის კანდიდატი“.
წყარო: ქალთა საინფორმაციო ცენტრის გვერდი სოციალურ ქსელში
