მოსახლეობა ახალციხის მერს და წყალმომარაგების კომპანიის დირექტორს მიმართავს
სამცხე-ჯავახეთი. „საერთაშორისო გამჭვირვალობა - საქართველოს“ ახალციხის ოფისის და სამოქალაქო საბჭოების ორგანიზებით, რაბათის დასახლებაში ხელმოწერები შეგროვდა. წერილით მოსახლეობამ ახალციხის მერს, ასევე, საქართველოს გაერთიანებული წყალმომარაგების კომპანიის დირექტორს, ორი ღია საკანალიზაციო არხის მოწესრიგება, ამასთანავე, ქალაქის რამდენიმე სოფელთან დამაკავშირებელი ამორტიზებული ხიდის რეაბილიტაცია მოსთხოვა.
„ანტისანიტარიისა და აუტანელი სუნის გამო გაუსაძლისია ხარისჭირაშვილის და ყაზბეგის ქუჩების მცხოვრებლების მდგომარეობა, განსაკუთრებით ზაფხულში.
მოვუწოდებთ ახალციხის მერიას და გაერთიანებული წყალმომარაგების კომპანიას ავარიული ხიდი გაამაგრონ, დაზიანებული საკანალიზაციო არხები კი დახურონ და კანალიზაცია ცენტრალურ სისტემას მიუერთონ“.
წყარო: ორგანიზაციის გვერდი სოციალურ ქსელში
