დისკუსია პარლამენტში - სოციალური მეწარმეობა საქართველოში
თბილისი. 23 სექტემბერს, საქართველოს პარლამენტში გაიმართა დისკუსია: „სოციალური მეწარმეობა საქართველოში - არსებული მდგომარეობა, მიმდინარე გამოწვევები და საკანონმდებლო აღიარების შესახებ ინიციატივები“.
დისკუსიის საკითხებს წარმოადგენდა:
სოციალური მეწარმეობის არსი და მნიშვნელობა; სოციალური მეწარმეობის სახელმწიფო მხარდაჭერის საერთაშორისო ტენდენციები; სოციალური მეწარმეობის მხარდაჭერა საქართველოს საერთაშორისო ვალდებულებების გათვალისწინებით; სოციალური მეწარმეობა საქართველოში - ადგილობრივი კონტექსტი და გამოწვევები; სოციალური მეწარმეობის საკანონმდებლო აღიარების მნიშვნელობა; სოციალური მეწარმეობის საკანონმდებლო რეგულირების ინიციატივები.
ღონისძიება საქართველოს პარლამენტის წევრის, მარიამ ლაშხისა და სსიპ-საქართველოს პარლამენტის კვლევითი ცენტრის ინიციატივით და ორგანიზებით, სამოქალაქო საზოგადოების ინსტიტუტის (CSI), საქართველოს სტრატეგიული კვლევებისა და განვითარების ცენტრისა (CSRDG) და სოციალურ საწარმოთა ალიანსის (SEA) თანამონაწილეობით გაიმართა.
