ძალადობის ნიშნით მსხვერპლი ქალის დაცვის მიზნით შემაკავებელი ორდერი გამოიცა
რაჭა-ლეჩხუმი. „უფლებები საქართველოს“ ინფორმაციით, ამბროლაურში გენდერული ნიშნით ძალადობის მსხვერპლი ქალის დაცვის მიზნით შემაკავებელი ორდერი გამოიცა.
„მოძალადეს შემაკავებელი ორდერით აეკრძალა მსხვერპლთან მიახლოება, ნებისმიერი სახის კომუნიკაცია, იარაღით სარგებლობა. ამასთან, მოძალადეს აეკრძალა იარაღის შეძენის ნებართვის ან ლიცენზიის მოპოვება“.
სამართლებრივი დახმარების ცენტრები გაიხსნა პროექტის „გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება ევროკავშირისა და ASB საქართველოს მხარდაჭერით.
წყარო: ორგანიზაციის გვერდი სოციალურ ქსელში
