ფსიქიკურ ჯანმრთელობაზე წვდომა კვლავ უმწვავეს პრობლემას წარმოადგენს
თბილისი. სოციალური სამართლიანობის ცენტრის შეფასებით, ფსიქიკური ჯანმრთელობის საერთაშორისო დღეს საქართველო კვლავ ასობით ინსტიტუციონალიზებული ადამიანით ხვდება, რომლებიც საერთოდ მოკლებულნი არიან უფლებებითა და თავისუფლებებით სარგებლობის შესაძლებლობას და ყოველდღიურად იზოლაციაში, ღირსების შემლახველ და არასათანადო პირობებში ცხოვრობენ. მიუხედავად ამისა, სახელმწიფოს ჯერ კიდევ არ დაუმტკიცებია დეინსტიტუციონალიზაციის სტრატეგია და სამოქმედო გეგმა, რომელიც მოიცავდა ფსიქიატრიული დაწესებულებების, თავშესაფრებისა და პანსიონატების დაშლისა და მასში მცხოვრები ადამიანების საზოგადოებაში დაბრუნების ხედვას.
წყარო: socialjustice.org.ge
