დარტსის ტურნიტი
აჭარა. „ბათუმის ახალგაზრდული ცენტრის" ორგანიზებით 25 მაისს საჯარო და კერძო სკოლის მოსწავლეებს შორის დარტსის ტურნირი ჩატარდა, რომელსაც ორგანიზება გაუწია ასოციაცია „თავისუფალ ჟურნალისტთა სახლმა". შეჯიბრება გაიმართა ოთხ ასაკობრივ ჯგუფში. მონაწილეობა მიიღეს 14-დან 18-წლამდე ასაკის მოსწავლეებმა. ფინალური შეჯიბრება გაიმართება 1 ივნისს, ბავშვთა დაცვის საერთაშორისო დღეს. ტურნირის მიზანია ჯანსაღი ცხოვრების წესის პოპულარიზაცია. აქტივობა ხორციელდება პროექტის „ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით.
წყარო:ორგანიზაციის გვერდი სოციალურ ქსელში
