„ცხოვრება მშვენიერია“ – სპორტული ღონისძიებები
გურია. 23 მაისს ჩიბათის საჯარო სკოლის სამოქალაქო კლუბის მოსწავლეებმა მცირე გრანტის პროექტის – ,,ცხოვრება მშვენიერია" – ფარგლებში სპორტული ღონისძიებები ჩაატარეს. მოსწავლეთა ინიციატივას ორასამდე ადამიანი გამოეხმაურა. ლანჩხუთის, ჩიბათის, ლესის და ნიგვზიანის საჯარო სკოლების მოსწავლეებისგან შემდგარი გუნდები ერთმანეთს ფეხბურთსა და ფრენბურთში შეეჯიბრნენ. ტურნირების პარალელურად მოეწყო მსვლელობა და Flash Mob შოუ ჯანსაღი ცხოვრების წესის პოპულარიზაციის მიზნით.
გამარჯვებულ გუნდებს სიგელები და გარდამავალი თასები ლანჩხუთის მუნიციპალიტეტის საკრებულოს თავმჯდომარემ და სპორტის სამსახურის უფროსმა საზეიმო ვითარებაში გადასცეს.
წყარო: civics.ge
