Grlz Wave: ამ კანონპროექტის მიზანია, გაქრეს ხელისუფლებისადმი კრიტიკულად განწყობილი ორგანიზაციები და მედია
თბილისი. ორგანიზაცია “Grlz Wave” ეხმაურება საქართველოში „უცხოური გავლენის გამჭვირვალობის შესახებ“ კანონპროექტის მიღების ინიციატივას, რომლის მიხედვითაც, უცხოური გავლენის აგენტებად დარეგისტრირდება ყველა მედია საშუალება და ორგანიზაცია, რომლის შემოსავლის 20%-ზე მეტი უცხოეთიდანაა მიღებული.
„მსგავსი ტიპის კომპანიებისთვის იუსტიციის სამინისტროს ექნება მონიტორინგის განხორციელების შესაძლებლობა, რომლის ფარგლებშიც, მას მიენიჭება ყველა საჭირო ინფორმაციის, მათ შორის, პერსონალური მონაცემების დამუშავების უფლებამოსილება და ამ ინფორმაციის სათავისოდ გამოყენების შესაძლებლობა.
აღნიშნული კანონპროექტის მიზანია ხელისუფლებისადმი კრიტიკულად განწყობილი მედიისა და არასამათავრობო სექტორის გაქრობა, რაც გამოიწვევს თავისუფალი სიტყვისა და აზრის გამოხატვის შეუძლებლობას“, ნათქვამია განცხადებაში.
წყარო: ორგანიზაციის გვერდი სოციალურ ქსელში
