ბავშვებსა და მოზარდებზე ე.წ. Grooming-ის ნიშნების ამოცნობა
თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) აქვეყნებს საინფორმაციო პოსტს, რომელშიც აღწერილია მოძალადის მხრიდან, ბავშვებისა და მოზარდების სექსუალურ ქცევაზე დაყოლიების ნიშნები.
Grooming სექსუალურ ქცევაზე დაყოლიებას ნიშნავს და ასეთ დროს:
- ბავშვებს უჩნდებათ საჩუქრები, რომლებსაც მალავენ ან ვერ ხსნიან წარმომავლობას და კითხვის შემთხვევაში, გამოხატავენ ბრაზს.
- ისინი ოჯახის წევრებს აღარ უზიარებენ დღის განმავლობაში მიღებულ შთაბეჭდილებებს.
- საუბრობენ უფროსი ასაკის ადამიანებთან (შეიძლება არასრულწლოვანთან) და მათთან დიდი დროის გატარების სურვილი აქვთ.
- ცდილობენ წავიდნენ შეხვედრაზე ზრდასრულ ან ხანდაზმულ ადამიანთან.
- არ საუბრობენ იმაზე, თუ რა ხდება მსგავსი ტიპის შეხვედრებზე.
წყარო: ორგანიზაციის გვერდი სოციალურ ქსელში
