უკანონოდ გათავისუფლებული საჯარო მოხელეების უფლებების აღდგენის პრობლემური საკითხები
თბილისი. საქართველოს ახალგაზრდა იურისტთა ასოციაცია (საია) აქვეყნებს ცირა ჯანანაშვილის ბლოგპოსტს: „უკანონოდ გათავისუფლებული საჯარო მოხელეების უფლებების აღდგენის პრობლემური საკითხები“.
„საკუთარი უფლებების დაცვის გზა, პირველ ეტაპზე, ია-ვარდების ნაცვლად გაჭიანურებული სასამართლო პროცესებით და სტრესით რომ არის მოფენილი, ეს არახალია, მაგრამ არანაკლებ ეკლიანია შემდეგი ეტაპიც, რომელიც გადაწყვეტილების აღსრულების დროში გაწელილი პროცესით და მოვალის თვითნებური ქმედებებით არის გაჟღენთილი. ეს ქმედებები კი, არცერთ კანონს თუ კანონქვემდებარე აქტს არ შეესაბამება. მარტივად რომ ვთქვათ, ხშირად საჯარო სამსახურში დასაქმებული და უკანონოდ გათავისუფლებული პირები სასამართლოში დავას იგებენ, თუმცა, სასამართლოს სამი ინსტანციის გავლის შემდგომაც მთავარი ბრძოლა შეიძლება წინ ელოდეთ“.
წყარო: gyla.ge
