მუნიციპალური ააიპ-ის დირექტორის კოპანია ტენდერებს იგებს
სამცხე-ჯავახეთი. „საერთაშორისო გამჭვირვალობა - საქართველომ” შეისწავლა სახელმწიფო შესყიდვები, რომელსაც ახალქალაქის მუნიციპალიტეტში იგებს მუნიციპალური ააიპ-ის დირექტორის, მარტინ გაბრიელიანის კომპანია - შპს „მეგობრობა 5“.
ორგანიზაციის კვლევის გამოქვეყნების შემდეგ, სახელმწიფო შესყიდვების სააგენტომ ამ შესყიდვებში 20-ზე მეტი დარღვევა დაადგინა და ადმინისტრაციული სამართალდარღვევის ოქმი თბილისის საქალაქო სასამართლოს გადაუგზავნა.
სასამართლომ ახალქალაქის მერიის სატენდერო კომისიის წევრებს სიტყვიერი გაფრთხილება მისცა.
წყარო: ორგანიზაციის გვერდი სოციალურ ქსელში
