შრომით მიგრაციაში მყოფ ქალებს გამომუშავებული ფულის სრულად გამოგზავნის მოთხოვნას უყენებენ
თბილისი. პარტნიორობა ადამიანის უფლებებისთვის (PHR) ინფორმაციით, შრომით მიგრაციაში მყოფი ქალების მიმართ ეკონომიკური ძალადობა ასევე გამოიხატება, მათი გამომუშავებული ფულის სრულად გამოგზავნის მოთხოვნაში, რასაც ისინი ემორჩილებიან.
„როცა გამოდიან ქალები ვინც 24 საათიანზე მუშაობენ, 50 ცენტი რო 50 ცენტია იმას არ იტოვებენ ისე აგზავნიან.
როცა 24 საათიანზე მუშაობ დასვენების დღეს ქუჩაში ხომ ვერ იქნები და ბინა ღირს 25 ევრო. ანუ ის 25 ევრო რომ არ გადაიხადონ, მართლა ქუჩაში სძინავთ, სკვერში. ერთ პურს წამოიღებენ სახლიდან, ერთ ბოთლ წყალს სახლიდან რომ გარეთ არ იყიდონ და ისე სხედან გარეთ“.
პარტნიორობა ადამიანის უფლებებისთვის (PHR) გუნდი აქტიურად მუშაობს შრომით მიგრაციაში მყოფი ქალების უფლებების დაცვაზე.
წყარო: ორგანიზაციის გვერდი სოციალურ ქსელში
