„სიდამ“ გაეროს ასოციაციასთან მემორანდუმი გააფორმა
ქვემო ქართლი. 3 ივნისს „სიდამ" და საქართველოს გაეროს ასოციაციამ ხელი მოაწერეს ურთიერთთანამშრომლობის მემორანდუმს. მისი მიზანია ურთიერთთანამშრომლობის გაღრმავება „სიდას" პროექტ „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე-ჯავახეთის ეროვნული უმცირესობების თემებში" და გაეროს ასოციაციის პროექტს "ჩემი უფროსი მეგობარი" შორის.
მემორანდუმის გაფორმების შემდეგ, თბილისელ და რუსთაველ უფროს და უმცროს მეგობრებს შორის გაცნობითი ხასიათის შეხვედრა გაიმართა, სადაც ერთმანეთს პროექტში მიღებული გამოცდილება გაუზიარეს.
წყარო:ორგანიზაციის გვერდი სოციალურ ქსელში
