როგორ მიდის საქართველო ევროკომისიის 12 პირობის შესრულებისკენ?
თბილისი. ღია საზოგადოების ფონდის ლიდერობით, 9 საზოგადოებრივმა ორგანიზაციამ მოამზადა ანგარიში ქვეყნისთვის ევროკავშირის კანდიდატის სტატუსის მისანიჭებლად განსაზღვრული 12 პირობის შესრულების მდგომარეობის შესახებ.
„საზოგადოებრივი ორგანიზაციების შეფასებით, 16 იანვრიდან 1 აგვისტოს ჩათვლით, სრულად არის შესრულებული 1 პირობა, მეტწილად შესრულებულია 2 პირობა, ნაწილობრივ შესრულებულია 7 პირობა და ჯერ კიდევ შესასრულებელია ევროკავშირის 2 პირობა (დეოლიგარქიზაცია და დეპოლარიზაცია).
მცირე პროგრესი შეიმჩნევა დამოუკიდებელი მედიისა და გადაწყვეტილების მიღების პროცესში სამოქალაქო საზოგადოების ჩართულობის მიმართულებებით. სტატუსმესტრის წინა ანგარიშებმაც ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ ზეპირ შუალედურ შეფასებასთან“.
წყარო: osgf.ge
