საჩუქარი რეპატრირებულ მესხებს
სამცხე–ჯავახეთი. ივლისის თვეში, მესხეთის (ახალციხის) სახელმწიფო დრამატული თეატრში ჩატარებულ ყველა სპექტაკლს რეპატრირებული მესხები დაესწრებიან.
სამცხე-ჯავახეთის რეგიონულმა ასოციაცია ,,ტოლერანტმა" მათ ერთ თვეზე გათვლილი აბონიმენტები დაურიგა.
,,გვინდოდა რაღაც სიახლე შეგეთავაზებინა რეპატრირებულებისთვის, ამიტომაც გადავწყვიტეთ აბონიმენტები მიგვეცა. ისინი არ არიან ამით განებივრებულები, შარშანაც ჩვენ წავიყვანეთ და როგორც აღმოჩნდა პირველად იყვნენ თეატრში. აბონიმენტით სამ სპექტაკლს ნახავენ", - გვითხრა სასწავლო პროგრამის ოფიცერმა ნინო ზუმბაძემ.
