კახეთი. თელავის ახალგაზრდულმა ცენტრმა გარემოს დაცვის საერთაშორისო დღე აღნიშნა. ცენტრის წევრებმა  მიმართეს ადგილობრივ ხელისუფლებას და მათი რეკომენდაციით წმინდა ნინოს ტერიტორიაზე კედარის ნერგები დარგეს.  ღონისძიების განხორციელებაში მონაწილეობა მიიღო თელავის მუნიციპალიტეტის კეთილმოწყობის სამსახურმა, რომელიც დამხმარე პერსონალითა და სამუშაო იარაღებით დაეხმარა ახალგაზრდებს აქციის განხორციელებაში. ღონისძიებაში მონაწილეობა მიიღო თელავის სახელმწიფო უნივერსიტეტის სტუდენტურმა თვითმმართველობამ. 

წყარო: ეროვნული ინტეგრაციის გაძლიერება საქართველოში-თელავის ცენტრის გვერდი სოციალურ ქსელში