თბილისი. მედიის ადვოკატირების კოალიცია ეხმიანება ტელეკომპანია „პირველის“ რეგიონული ჟურნალისტის, ნატო გოგელიას სახლში უკანონო შეღწევისა და ქონების დაზიანების ფაქტს. 

„27 მარტს, ტელეკომპანია "პირველის" რეგიონულმა კორესპონდენტმა ნატო გოგელიამ განაცხადა, რომ რამდენიმე დღის წინ, მის კუთვნილ საცხოვრებელ სახლში უკანონოდ შევიდნენ და ქონება დააზიანეს.

 ჟურნალისტები გადამწყვეტ როლს ასრულებენ დემოკრატიის დაცვასა და საზოგადოების ინფორმირებაში. მათი დაშინების ან ზიანის მიყენების ნებისმიერი მცდელობა არის თავდასხმა თავისუფალი და დამოუკიდებელი მედიის ფუნდამენტურ პრინციპებზე. 

ასეთი ქმედებები საფრთხეს უქმნის ჟურნალისტების შესაძლებლობას, რომ მათ შიშისა და რეპრესიების გარეშე შეასრულონ პროფესიული მოვალეობები.

 მედიის ადვოკატირების კოალიცია სამართალდამცველ ორგანოებს აღნიშნული და სხვა მსგავსი ინციდენტების სწრაფი და ეფექტიანი გამოძიებისკენ მოუწოდებს. 

ხელისუფლება ვალდებულია, უზრუნველყოს ჟურნალისტების უსაფრთხოება“ - ნათქვამია განცხადებაში

 სრულად... 

წყარო: მედიის ადვოკატირების კოალიცია