მედიის თვითრეგულირების იმიტირებული პროცესი
ქვემო ქართლი. 22 ივნისს მედიის თვითრეგულირების თემაზე იმიტირებული პროცესი მარტყოფში, ახალგაზრდების მონაწილეობით, მედიის განვითარების ფონდმა გამართა.
მარტყოფში გამართული შეხვედრა ბავშვთა დანაშაულის გაშუქებას ეხებოდა. ახალგაზრდებმა ამ თემაზე სასწავლო ფილმი ნახეს, რის შემდეგაც გუნდებად დაიყვნენ და იმიტირებული პროცესი გამართეს. პროექტი, ხარისხიანი მედია და მედიის გაცნობიერებული მოხმარება მედეგი საზოგადოებისთვის (ConMeCo), ხორციელდება დოიჩე ველე აკადემიის მიერ მედიის განვითარების ფონდთან და ადამიანის უფლებათა ცენტრთან თანამშრომლობით, ევროკავშირის ფინანსური მხარდაჭერით და გერმანიის ეკონომიკური განვითარებისა და თანამშრომლობის ფედერალური სამინისტროს თანადაფინანსებით. წყარო: მედიის განვითარების ფონდი
