არასამთავრობოების განცხადება 20 ივნისს შსს–ში გამართული შეხვედრის შესახებ
თბილისი. ახალგაზრდა იურისტთა ასოციაციამ, საერთაშორისო გამჭვირვალობამ და სამართლიანმა
არჩევნებმა 20 ივნისს შსს–ში გამართული შეხვედრის შესახებ განცხადება გაავრცელეს.
„მიზანშეწონილი იქნებოდა, თუ შინაგან საქმეთა სამინისტროს მიერ დაგეგმილი შეხვედრა უფრო მეტად საქმიან ხასიათს მიიღებდა. ამ მიმართებით უმჯობესი იქნებოდა თუ სამინისტრო წარმოადგენდა დასაბუთებულ ანალიტიკურ ანგარიშს აღნიშნული ვიდეო კადრების გამოძიების მიმდინარეობის შესახებ....შეხვედრის დაწყებამდე მნიშვნელოვანი იყო მიგვეღო შესაბამისი გარანტიები იმისა, რომ ვიდეო კადრები საკმარისად დაფარული იყო და მინიმალურადაც კი არ იძლეოდა პირების იდენტიფიცირების შესაძლებლობას. ამგვარ გარანტიებს არსებითი მნიშვნელობა ჰქონდა მით უფრო იმ პირობებში, რომ შეხვედრის დამსწრე პირებს გააჩნდათ შესაბამისი ტექნიკა და ამ კადრების გადაღებისა და გავრცელების რისკები არსებობდა", ნათქვამია გავრცელებულ განცხადებაში.
წყარო: gyla.ge
