იმერეთი. პრობაციის ეროვნულ სააგენტოსა და არასამთავრობო ორგანიზაცია „ქუთაისის განათლების, განვითარებისა და დასაქმების ცენტრს" შორის თანამშრომლობის მემორანდუმი გაფორმდა. შეთანხმება მიზნად ისახავს იმერეთის პრობაციის ბიუროში აღრიცხვაზე მყოფ პირობით მსჯავრდებულთა საზოგადოებაში რეინტეგრაციისთვის ხელშეწყობას.

ხელმოწერილი დოკუმენტის მიხედვით, საჭიროებების გათვალისწინებით გამოვლენილი არასრულწლოვანი პირობით მსჯავრდებულები სხვადასხვა სახის საგანმანათლებლო ტრენინგ-პროგრამაში ჩაერთვებიან. პრობაციის ეროვნული სააგენტო, პრობაციონერთა რესოციალიზაციის პროექტების მხარდაჭერის მიზნით, აქტიურად თანამშრომლობს სხვადასხვა რეგიონში მოქმედ არასამთავრობო ორგანიზაციებთან. სააგენტომ თანამშრომლობის მემორანდუმები უკვე გააფორმა ქვემო ქართლში - „სამოქალაქო განვითარების სააგენტოსთან" („სიდა"), სამცხე-ჯავახეთში - ასოციაცია "ტოლერანტთან", გურიაში - "გურიის ახალგაზრდულ რესურსცენტრთან" და სამტრედიაში - "რეგიონული განვითარების რესურსცენტრთან".

წყარო: probation.ge