არასამთავრობო ორგანიზაციებმა თვითრეგულირების ორგანოში „მოამბეს“ უჩივლეს
თბილისი. არასამთავრობო ორგანიზაციები „კლუბი თავისუფალი ზონა" და „საზოგადოებრივი კავშირი დროა" საზოგადოებრივ მაუწყებელს თვითრეგულირების ორგანოში უჩივიან. ორივე მათგანს 24 ივნისს გასულ საინფორმაციო გამოშვება „მოამბის" იმ სიუჟეტის მიმართ აქვთ პრეტენზია, რომელიც არასამთავრობო ორგანიზაციებს ეხებოდა. ორგანიზაციები აცხადებენ, რომ სიუჟეტში „კლუბი თავისუფალი ზონა" და „თავისუფალი კავშირი დროა" ნახსენები იყვნენ, როგორც „ნაციონალური მოძრაობის" სატელიტი ორგანიზაციები.
ორგანიზაციები აცხადებენ, რომ არანაირი კავშირი არ აქვთ პოლიტიკურ პარტიებთან და მიიჩნევენ, რომ ჟურნალისტმა უხეშად დაარღვია ეთიკის კოდექსი, არ გადაამოწმა ინფორმაცია და დამახინჯებულად გადასცა საზოგადოებას.
წყარო: media.ge
