თბილისი. 30 ივლისს არასამთავრობო ორგანიზაციების წარმომადგენლებმა საქართველოს სპორტისა და ახალგაზრდობის საქმეთა სამინისტროში ახალგაზრდობის ეროვნული სამოქმედო გეგმის შემუშავების ფარგლებში გამართულ შეხვედრაში მიიღეს მონაწილეობა. შეხვედრის თემა ახალგაზრდების განათლებას, დასაქმებასა და მობილობას შეეხებოდა. ღონისძიების მიზანი იყო ახალგაზრდებთან არაფორმალური განათლების ინსტრუმენეტების შესახებ გამოცდილების გაზიარება. მონაწილეებმა წარმოადგინეს ინფორმაცია საკუთარი ორგანიზაციების შესახებ, გაუზიარეს ერთმანეთს გამოცდილება და იმსჯელეს ახალგაზრდების განათლების სფეროში არსებულ პრობლემებსა და მათი გადაჭრის გზებზე.

წყარო:CISV საქართველოს გვერდი სოციალურ ქსელში