თბილისი. სამოქალაქო საზოგადოების ინსტიტუტის ორგანიზებით მიმდინარეობს ტრენინგი საგადასახადო კოდექსის თემაზე. ტრენინგს საზოგადოებრივი ორგანიზაციების ფინანსისტები და იურისტები ესწრებიან. ღონისძიება ფოკუსირებულია არასამთავრობო ორგანიზაციების დაბეგვრის საკითხებზე. ორდღიან ტრენინგს საგადასახადო სამართლის სპეციალისტი ირაკლი შავიშვილი უძღვება. ღონისძიება ხორციელდება USAID-ის ფინანსური მხარდაჭერით, აღმოსავლეთ-დასავლეთის მართვის ინსტიტუტის (EWMI) პროგრამის - „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) ფარგლებში.