თბილისი. 9 აგვისტოს „კავკასიურ სახლში" ახალი საზოგადოებრივი ორგანიზაციის „უფლებადამცველთა გაერთიანების" პრეზენტაცია გაიმართა. ახალი საზოგადოებრივი ორგანიზაცია „საქართველოს ადვოკატთა ასოციაციის" წევრებმა დააფუძნეს და მისი მიზანია მოსახლეობის სამართლებრივი ცნობიერების ამაღლების ხელშეწყობა, საქართველოს კონსტიტუციით გათვალისწინებული ადამიანის უფლებებისა და თავისუფლებების დაცვა. ორგანიზაცია მოსახლეობისთვის უფასო იურიდიულ კონსულტაციებს  და ასევე, ადმინისტრაციულ ორგანოებში მათი უფლებების დაცვის უზრუნველყოფას გეგმავს.