ახალგაზრდა კონსტიტუციონალისტები საზოგადოებრივი მაუწყებლის სამეურვეო საბჭოზე
თბილისი. ახალგაზრდა კონტიტუციონალისტთა ასოციაციამ 11 სექტემბერს ბრიფინგი გამართა თემაზე: საზოგადოებრივი მაუწყებლის სამეურვეო საბჭოსთან დაკავშირებული საკანონმდებლო ცვლილებების აუცილებლობა და საბჭოს საქმიანობის შეფასება. „ეჭვის საფუძველს იძლევა ის ფაქტი, რომ საზოგადოებრივი მაუწყებლის სამეურვეო საბჭო და ყოფილი გენერალური დირექტორი გიორგი ბარათაშვილი განსხვავებულ ინფორმაციას ავრცელებენ მიღებული გადაწყვეტილების მიზეზებზე", განაცხადა ორგანიზაციის წარმომადგენელმა.
საქართველოს ახალგაზრდა კონსტიტუციონალისტთა ასოციაცია მოითხოვს გასაჯაროვდეს აღნიშნულ საკითხთან დაკავშირებული მტკიცებულებები, მაღალი საზოგადოებრივი ინტერესის გათვალისწინებით. ასოციაცია ასევე მიმართავს საზოგადოებრივი მაუწყებელის სამეურვეო საბჭოს შეკითხვებით.
წყარო:ორგანიზაციის გვერდი სოციალურ ქსელში
