კახეთი. თელავში „ჩვენი სახლი-საქართველო" და „ჩვენი სახლი-პოლონეთის" ორგანიზებით საქართველოში მოქმედი მცირე საოჯახო ტიპის სახლების ლიდერების და აღმზრდელების სამუშაო შეხვედრა ჩატარდა. შეხვედრაზე სპეციალიზირებული მოდელის მცირე საოჯახო ტიპის სახლების წარმატებებზე და პრობლემებზე ისაუბრეს. შეხვედრის შემდეგ სტუმრები მცირე საოჯახო ტიპის ერთ–ერთ სახლს ეწვივნენ და იქაური გარემო დაათვალიერეს. კურდღელაურის მცირე საოჯახო ტიპის სახლი შერჩეულ იქნა როგორც ერთ-ერთი წარმატებული სახლი საქართველოში. სახლის ლიდერმა სტუმრებს საკუთარი გამოცდილება გაუზიარა და სახლის ყველა საქმიანობაში აღმზრდელების და ბავშვების ჩართულობის აუცილებლობაზე ისაუბრა. სტუმრები და მასპინძლები კმაყოფილები დარჩნენ ვიზიტით.

წყარო: ფონდ „აფხაზეთის" გვერდი სოციალურ ქსელში