აჭარა. 13 აგვისტოს, ბათუმის დემოკრატიული ჩართულობის ცენტრში ლიბერალური განათლების ქართულ–ამერიკულმა ინიციატივამ, პოლიტიკური განხილვების 4 დღიანი სერია დაასრულა. იგი პროექტის „ახალგაზრდები დემოკრატიისათვის" – ფარგლებში ტარდებოდა.

განსახილველი საკითხები მრავალფეროვნებით გამოირჩეოდა. ახალგაზრდებმა მწვავედ დასვეს და განიხილეს აქტუალური საკითხები და პრობლემათა გადაწყვეტის თავიანთ მოდელებზე ისაუბრეს. ლიბერალური განათლების ქართულ–ამერიკული ინიციატივა დისკუსიების გამართვას ახლო მომავალში კვლავ გეგმავს.