საინფორმაციო შეხვედრები საჯარო სკოლებში
შიდა ქართლი. სასწავლო წლის დაწყებასთან ერთად, „ახალგაზრდების ჩართულობა და განვითარების" პროექტის ფასილიტატორებმა ახალდაბის, შავშვების, ტყვიავის და ტირძნისის საჯარო სკოლებში შეხვედრების გამართვა დაიწყეს. შეხვედრები ითვალისწინებს ადგილობრივი თემების წარმომადგენლებისთვის მიმდინარე სასწავლო წელს პროექტის ფარგლებში დაგეგმილი აქტივობების გაცნობას. ფასილიტატორებმა შეხვედრის მონაწილეებს მიაწოდეს ინფორმაცია, თუ რომელი მიმართულებებით წარიმართება კლუბების საქმიანობა და რა როლს ითამაშებს იგი მოსწავლეების განვითარებასა და მათ თანამედროვე რეალიების შესაბამისი ცოდნით და უნარ-ჩვევებით აღჭურვილ პიროვნებებად ჩამოყალიბებაში.
წყარო:ორგანიზაციის გვერდი სოციალურ ქსელში
