თბილისი. საქართველოში ევროკავშირის დელეგაცია აწყობს ერთდღიან მასტერკლასს ჟურნალისტიკაში, რომელიც გაიმართება 27 სექტემბერს საქართველოს პარლამენტის ეროვნული ბიბლიოთეკის საკონფერენციო დარბაზში.

მასტერკლასს წაიყვანენ ამ დარგის გამოცდილი სპეციალისტები: BBC Media Action-ის ტრენერი პეტკო გეორგიევი, ევროპელ ჟურნალისტთა ასოციაციის პრეზიდენტი პაოლო მაგანიოტი და იტალიური საინფორმაციო სააგენტოს „ანსა" ბრიუსელის კორესპონდენტი კიარა სპენი. პაოლო მაგანიოტი და კიანა სპენი არიან „ევროკავშირის პრემია ჟურნალისტიკაში - 2013"-ის ჟურის წევრები.