თბილისი. 26 სექტემბერს გაიმართა ეკონომიკური პოლიტიკის კვლევის ცენტრის პროექტის - „სახელმწიფოს ფასის" პრეზენტაცია.

ვებ-გვერდი „სახელმწიფოს ფასი" (www.priceofthestate.ge) საჯარო ფინანსების კვლევის ინოვაციური საშუალებაა. პორტალში თავმოყრილია ინფორმაცია სახელმწიფო შემოსავლებისა და დანახარჯების შესახებ. წარმოდგენილია თუ რამდენს და რა მიმართულებით ხარჯავს სახელმწიფო და როგორ იცვლება ეს ციფრები დინამიკაში.

„გადასახადის გადამხდელი მხოლოდ დასაქმებული პირი არ არის. თითოეული ადამიანი გადასახადს იხდის მაშინაც, როცა ყიდულობს პროდუქტს ან მომსახურებას. საქართველოში მოქალაქეებისათვის პრაქტიკულად უცნობია მათ მიერ გადახდილი გადასახდელებიდან რამდენი მიდის სახელმწიფო ბიუჯეტში და რაში იხარჯება ეს თანხები", ნათქვამია ორგანიზაციის გვერდზე.

წყარო:ორგანიზაციის გვერდი სოციალურ ქსელში