თბილისი. ინფორმაციის თავისუფლების განვითარების ინსტიტუტმა – „საპატრულო პოლიციის მიერ დაკისრებული ჯარიმები 2011-2013"  შესახებ ინფორმაცია გამოაქვეყნა. ორგანიზაციამ საქართველოს შინაგან საქმეთა სამინისტროდან მიიღო ინფორმაცია საპატრულო პოლიციის დეპარტამენტის მიერ 2013 წლის საწყის 6 თვეში (იანვარი-ივნისი) ადმინისტრაციულ სამართალდარღვევათა გამო ბიუჯეტის სასარგებლოდ დაკისრებულ ჯარიმათა საერთო ოდენობის  შესახებ. „შინაგან საქმეთა სამინისტროდან მიღებული ოფიციალური მონაცემებით ირკვევა, რომ 2013 წლის საწყისი 6 თვის განმავლობაში საპატრულო პოლიციის მიერ ადმინისტრაციულ სამართალდარღვევათა გამო დაკისრებულ ჯარიმათა რაოდენობა 2011 წლის ანალოგიურ პერიოდთან შედარებით გაზრდილია 9 971 876 ლარით (47,2%-ით), ხოლო 2012 წლის ანალოგიურ პერიოდთან  შედარებით 12 830 187 ლარით (70% -ით)", ნათქვამია ორგანიზაციის ვებ–გვერდზე.

წყარო:idfi.ge