თბილისი. თბილისის ადმიანის უფლებათა სახლის საკონფერენციო დარბაზში, 27 სექტემბერს, გაიმართა პრესკონფერენცია უსახლკარო მოქალაქეების პრობლემების შესახებ. თბილისის ადამიანის უფლებათა სახლის პროექტს – „უფასო იურიდიული დახმარება სოციალურად დაუცველი მოქალაქეებისთვის" – ახორციელებენ „კონსტიტუციის 42–ე მუხლი" და „ადამიანის უფლებათა ცენტრი".

„უსახლკარო ადამიანები ჩვენი საზოგადოების ერთ-ერთი ყველაზე მოწყვლადი წარმომადგენლები არიან. თავშესაფრის არქონა მათი მუდმივი და ყველაზე მტკივნეული პრობლემაა. ადგილობრივი თვითმართველობის ორგანოები ვალდებულნი არიან ეს ადამიანები თავშესაფრით უზრუნველყონ, მოქალაქეთა მიმართვის შემთხვევაში, დაიწყონ ადმინისტრაციული წარმოება და დაადგინონ ობიექტური გარემოებები, თუ რამდენად სამართლიანია მათი მოთხოვნები... ადგილობრივი თვითმართველობის ორგანოები დროულად და ადეკვატურად არ მოქმედებენ, რის გამოც უსახლკარო მოქალაქეების პრობლემები წლების განმავლობაში რჩება გადაუჭრელი", ნათქვამია ნათქვამია ორგანიზაციის გვერდზე სოციალურ ქსელში.

წყარო:ორგანიზაციის გვერდი სოციალურ ქსელში