კახეთი. თელავის სახელმწიფო უნივერსიტეტში გაიმართა შეხვედრა პროექტის –  „უმაღლესი განათლების პოლიტიკა – სტუდენტური ხედვა"  – ფარგლებში. შეხვედრას ესწრებოდნენ სტუდენტები, პროფესორ-მასწავლებლები და ადმინისტრაციის თანამშრომლები.

შეხვედრა ორგანიზებული იყო „საქართველოს ახალგაზრდა კონსტიტუციონალისტთა ასოციაციისა" და „საქართველოს ახალგაზრდა სოციოლოგთა ასოციაციის" მიერ. 

აღნიშნულ ღონისძიებაზე განიხილეს საუნივერსიტეტო განათლების ისეთი მნიშვნელოვანი ასპექტები, როგორიცაა: უმაღლესი საგანმანათლებლო დაწესებულების იურიდიული სტატუსი; საუნივერსიტეტო დაფინანსების სისტემა; მმართველობის დეცენტრალიზაცია; აკადემიური თავისუფლება ქართულ საგანმანათლებლო სივრცეში და ა.შ.

პროექტი „უმაღლესი განათლების პოლიტიკა – სტუდენტური ხედვა" – აღმოსავლეთ-დასავლეთის მართვის ინსტიტუტის (EWMI) საჯარო პოლიტიკის, ადვოკატირებისა და სამოქალაქო საზოგადოების განვითარება პროგრამის (GPAC) ფარგლებში ხორციელდება.