კახეთი. „კახეთის რეგიონული განვითარების ფონდისა" და ცენტრალური საარჩევნო კომისიის წარმომადგენლები სოფელ დუისში მცხოვრებ ეთნიკური უმცირესობების წარმომადგენლებს შეხვდნენ. მათ, დუისელებს საარჩევნო პროცედურების შესახებ ინფორმაცია მიაწოდეს და იმიტირებული საარჩევნო პროცესიც ჩაატარეს.

შეხვედრა, რომელიც გაეროს განვითარების პროგრამის ფინანსური მხარდაჭერით განხორციელდა, ეროვნული უმცირესობის ამომრჩევლებისთვის თანაბარი საარჩევნო გარემოს უზრუნველყოფას ისახავს მიზნად.

მაგდა უამარაშვილი, პროექტის მონაწილე: „შეხვედრა ჩატარდა იმ მონაწილეებისათვის, ვინც ახლა მიიღო საქართველოს მოქალაქეობა. მოგვაწოდეს ინფორმაცია თუ როგორ ხდება არჩევნებში მონაწილეობა და რა პროცედურები უნდა გაიაროს ამისათვის მოქალაქემ".