„განვითარებისა და დემოკრატიის ცენტრი“ აქტიურად დააკვირდება არჩევნებს
კახეთი. არასამთავრობო ორგანიზაცია ,,განვითარებისა და დემოკრატიის ცენტრმა”, რეგიონული კოორდინატორების შესარჩევი კონკურსი ჩაატარა. ორგანიზაციის წარმომადგენლების თქმით, 500 განაცხადიდან 16 რეგიონალური კოორდინატორი შეირჩა, რომლებიც აქტიურად ჩაერთვებიან საარჩევნო პროცესებში და მოსახლეობას სათანადო კონსულტირებას გაუწევენ.
,,წლევანდელ არჩევნებზე, სავარაუდოდ, პირველ სამეულში შევალთ დამკვირვებლების სიმრავლით. დამკვირვებლებს ყველა ქალაქსა და სოფელში გავაგზავნით, არ დაგვრჩება არცერთი მუნიციპალიტეტი. დავაკვირდებით როგორც საარჩევნო უბნებში, ასევე ოლქებშიც. ყველა მოქალაქეს, რომელიც არჩევნების მიმდინარეობისას უბნებზე დარღვევას დააფიქსირებს, შეუძლია დაგვირეკოს ან მიმართოს რეგიონულ კოორდინატორს. ამ დროისთვის დამკვირვებლების შერჩევა დავასრულეთ და რადგანაც ჩვენი ორგანიზაციის მიზანია ახალგაზრდების ჩართვა და ინფორმირება არჩევნებთან დაკავშირებით, დავიწყეთ შეხვედრების სერია მუნიციპალიტეტებში", – აცხადებს ორგანიზაციის გამგეობის თავმჯდომარე გიორგი ფარეშიშვილი
