თბილისი. 3 ოქტომბერს არასამთავრობო ორგანიზაციებმა სატელევიზიო, რადიო, ბეჭდური და ონლაინ მედიის მონიტორინგის შუალედური შედეგების პრეზენტაცია გამართეს. მონიტორინგი „პროფესიონალური მედია არჩევნებისთვის" ევროკავშირისა და გაეროს განვითარების პროგრამის (UNDP) მხარდაჭერით ხორციელდება. პროგრამის მიზანია საპრეზიდენტო არჩევნების პერიოდში პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით და მედია კანონმდებლობის გაუმჯობესება.

პროგრამის ფარგლებში, კავკასიის კვლევითი რესურსების ცენტრმა (CRRC) სატელევიზიო არხების მონიტორინგის 15 მაისიდან 18 სექტემბრამდე პერიოდის შედეგები გამოაქვეყნა, სამართლიანი არჩევენებისა და დემოკრატიის საერთაშორისო საზოგადოებამ (ISFED) კი ბეჭდურ მედიის - 15 ივლისიდან 15 სექტემბრამდე შედეგები. 15 ივლისიდან 17 სექტემბრამდე რადიომონიტორინგის შედეგების პრეზენტაცია ინტერნიუსი-საქართველომ წარმოადგინა. ამავე პერიოდში სამოქალაქო განვითარების ინსტიტუტი (CDI) ონლაინგამოცემებს აკვირდებოდა.

წყარო: media.ge, mediamonitor.ge