საარჩევნო პროექტის პრეზენტაცია
სამცხე–ჯავახეთი. 15 ოქტომბერს, ახალციხის დემოკრატიული ჩართულობის ცენტრში, კოალიციამ „ერთსულოვნება საზოგადოების უფლებებისათვის” არჩევნების ჩატარების უზრუნველყოფის პროექტის პრეზენტაცია გამართა. კოალიციის წევრებმა საზოგადოებას გააცნეს მეთოდი, რომლის მიხედვითაც შესაძლებელია არჩევნების გაყალბების თავიდან აცილება.
პროექტის მიხედვით, საარჩევნო უბანზე „ერთსულოვნების” წარმომადგენელი ამომრჩეველს, პირადობის დამადასტურებელ მოწმობასთან ერთად, ფოტოს გადაუღებს, შემდგომ კი კომპიუტერის საშუალებით ყველა მათგანის ერთმანეთთან შედარება მოხდება. ამით გამოვლინდება ჰქონდა თუ არა ერთ პიროვნებას ხმის რამდენჯერმე მიცემის შესაძლებლობა.
