იმერეთი. სამეცნიერო–ინტელექტუალური კლუბი „თაობათა დიალოგი” გამოდის ინიციატივით, რათა შეიქმნას „ახალგაზრდული პლატფორმა”. იგი გულისხმობს ახალგაზრდულ საკითხებზე მომუშავე ორგანიზაციების რესურსების გაერთიანებას ახალგაზრდების პრობლემების ირგვლივ. სწორედ ამიტომაც, 25 აგვისტოს, 14:00 საათზე, სამეცნიერო-ინტელექტუალური კლუბი „თაობათა დიალოგი” დემოკრატიის ჩართულობის ქუთაისის ცენტრში „ახალგაზრდული პლატფორმის” ფორმირების ინიციატივის თაობაზე ღია განხილვას გამართავას. საზოგადოებრივი ორგანიზაცია იწვევს ყველა არასამთავრობო ორგანიზაციას, რომელიც ამ იდეით არის დაინტერესებული და მუშაობს ახალგაზრდების საკითხებზე.