მედიის სამართლებრივი დაცვის ცენტრის განცხადება
თბილისი. საქართველოს ახალგაზრდა იურისტთა ასოციაციის „მედიის სამართლებრივი დაცვის ცენტრი" აჭარის ტელევიზიისა და რადიოს მრჩეველთა საბჭოს ასარჩევად მიმდინარე კონკურსს ეხმაურება და განცხადებას აქვეყნებს.
„მედიაში გავრცელდა აჭარის ავტონომიური რესპუბლიკის უმაღლესი საბჭოს თანამდებობის პირების ინტერვიუები, სადაც ისინი საუბრობენ მრჩეველთა საბჭოს დარჩენილი ორი წევრის ამ წესისგან განსხვავებული წესით არჩევაზე. მიგვაჩნია, რომ აღნიშნულ თანამდებობის პირთა შეფასებები არ შეესაბამება კანონს და აჭარის ავტონომიური რესპუბლიკის უმაღლესი საბჭოს წევრებს მოვუწოდებთ აჭარის ტელევიზიისა და რადიოს მრჩეველთა საბჭოს ასარჩევად მიმდინარე კონკურსთან დაკავშირებულ საკითხებზე გადაწყვეტილებების მიღებისას იხელმძღვანელონ კანონით დადგენილი პრინციპების დაცვით", – ნათქვამია განცხადებაში.
წყარო: gyla.ge
