აჭარა. ოფიციალურად დასრულდა ორგანიზაცია არტვეის მორიგი პროექტი – „სემინარები ხელოვნების მიმართულებით". დასკვნითი შეხვედრა ბათუმის პრესკაფეში ლაშა ბუღაძისა და დათო ტურაშვილის მონაწილეობით გაიმართა. პროექტის ფარგლებში ჩატარდა ოთხი სემინარი: თანამედროვე ქართული/ევროპული თეატრი და სიყვარულის/სექსის თემა დრამატურგიაში; ქართული ფოტოგრაფიის საფუძვლები და მისი განვითარება პერიოდიკის მიხედვით; შემოქმედებითი ფსიქოლოგია და „არტ თერაპია"; ქართული და ევროპული ლიტერატურა; ქართული ლიტერატურის ქრონოლოგიური განვითარება. პროექტის მიზანს წარმოადგენდა არაფორმალური განათლების პოპულარიზება და ახალგაზრდების ჩართვა კულტურულ პროცესებში. წყარო:ორგანიზაციის გვერდი სოციალურ ქსელში