აჭარა.  12 ნოემბერს, ბათუმის დემოკრატიული ჩართულობის ცენტრში ახალ ინიციატივას ჩაეყარა საფუძველი. ახალგაზრდული საზოგადოებრივი ორგანიზაციების „ცვლილებები თანაბარი უფლებებისათვის", „არტ ვეის" და ბათუმის დემოკრატიული ჩართულობის ცენტრის ორგანიზებით შეზღუდული შესაძლებლობების მქონე ბავშვები ხელსაქმეს შეისწავლიან. გაკვეთილებს სამ დეკემბრამდე ადგილობრივი ხელოვანი წარუძღვება. პროექტის მიზნია შშმ ბავშვების განვითარებისა და მათი საზოგადოებაში ინტეგრაციის  ხელშეწყობა ხელოვნების გზით. 3 დეკემბერს,  შშმ პირების საერთაშორისო დღეს, პროექტის ბენეფიციარებისა და სხვა შშმ ადამიანების ხელნაკეთების გამოფენა ბათუმში, ევროპის მოედანზე გაიმართება.