„ხედვა დაბრკოლებებს მიღმა“
აჭარა. 16 ნოემბერს, ბათუმის პრესკაფეში, პრესკაფისა და „თავისუფალ ჟურნალისტთა სახლის"ორგანიზებით, პროექტის -„ხედვა დაბრკოლებებს მიღმა" - ფარგლებში მორიგი ფოტო გამოფენა გაიმართა. ამჯერად დამთვალიერებლებმა ახალგაზრდა ბათუმელი ფოტოგრაფის - გელა (სერა) ძნელაძის ნამუშევრები იხილა. გამოფენის შემდეგ ნაჩვენები იქნა ფოტოგრაფის მიერ შერჩეული ფილმი, სტივენ სილვერის - „The Bang Bang Club". „თავისუფალ ჟურნალისტთა სახლმა" მოამზადა ფოტოგრაფის ვიდეოპორტრეტიც. აღნიშნული პროექტის მხარდამჭერია აჭარის ავტონომიური რესპუბლიკის განათლების, კულტურისა და სპორტის სამინისტრო. პროექტის მიზანია ბათუმში მოქმედი ფოტოხელოვანების პოპულარიზაცია.
