ტოლერანტობის დღე ახალციხეში
სამცხე–ჯავახეთი. 15 ნოემბერს, ახალციხის დემოკრატიული ჩართულობის ცენტრში ტოლერანტობის დღისა და მაჰმადიან მესხთა დეპორტაციის 69-ე წლისთავთან მიძღვნილი ღონისძიება გაიმართა.
ღონისძიება სამცხე–ჯავახეთის რეგიონულმა ასოციაცია ტოლერანტმა მოაწყო და მას ადგილობრივი თვითმმართველობის, არასამთავრობო სექტორისა და მედიის წარმომადგენლები, ასევე მაჰმადიანი მესხები დაესწრნენ.
ღონისძიებაზე ნაჩვენები იყო ევროკავშირის მიერ დაფინასებული პროექტის –„დეპორტირებულთა ჰუმანიტარული დახმარება, თვითრეპატრიაციის პრევენცია" – ფარგლებში გადაღებული ფილმი „სამშობლო, რომელიც შორია". ასევე მოეწყო მაჰმადიანი მესხების ყოველდღიური ცხოვრების ამსახველი ფოტოების გამოფენაც. ფილმის ჩვენების შემდეგ გაიმართა დისკუსია.
