თბილისი. საერთაშორისო გამჭვირვალობა – საქართველო აგრძელებს „SMS სპამის საწინააღმდეგო კამპანიას" და წარმოგიდგენთ ბლოგპოსტს – „როგორ შევაჩეროთ SMS სპამის მიღება და როგორ დავიცვათ პერსონალური მონაცემები?". 

„მომხმარებლებს შეუძლიათ ინდივიდუალურად მოსთხოვონ კომპანიებს, შეწყვიტონ მათი მონაცემების გამოყენება მარკეტინგული მიზნებისათვის და ასევე გამოითხოვონ ინფორმაცია იმის შესახებ, თუ როგორ მოიპოვეს მათი პირადი მონაცემები. ...ჩვენ კიდევ ერთხელ მივმართავთ კერძო კომპანიებს, რომ სოციალური პასუხისმგებლობა გამოავლინონ და კანონის შესაბამისად იმოქმედონ. მათსავე ინტერესებში უნდა იყოს ის, რომ არ შეაწუხონ და გაანაწყენონ საკუთარი პოტენციური მომხმარებელი", ნათქვამია ბლოგპოსტში.

წყარო: transparency.ge